lokmanas लोकमानस

नफिसा गिरकर (मुंब्रा) : पवित्र रमजान महिन्यानिमित्त सामाजिक एकता आणि सौहार्दाचा संदेश देण्यासाठी टोरेंट पॉवर कंपनीतर्फे दावत-ए-इफ्तारचे आयोजन करण्यात आले होते.  शीळ- मुंब्रा कौसा परिसरातील नागरिकांसाठी कौसा येथील डायमंड बँक्वेट हॉलमध्ये आयोजित या कार्यक्रमाला उत्स्फूर्त प्रतिसाद मिळाला. या इफ्तार कार्यक्रमाला शहरातील सुमारे ३०० हून अधिक मान्यवर उपस्थित होते. विविध पोलीस ठाण्यांमधील अधिकारी, ठाणे महानगरपालिकेचे अधिकारी, प्रमुख राजकीय व्यक्ती, विविध माध्यमांचे प्रतिनिधी तसेच परिसरातील अनेक प्रतिष्ठित नागरिक मोठ्या संख्येने उपस्थित होते. रमजानच्या पवित्र वातावरणात सर्व समाजघटक एकत्र आल्याने कार्यक्रमात सामाजिक सलोखा आणि बंधुभावाचे वातावरण निर्माण झाले. यावेळी टोरेंट पॉवर कंपनीच्या वतीने उपाध्यक्ष जीवन क्लार्क, महाव्यवस्थापक जय पंड्या, वरिष्ठ जनसंपर्क अधिकारी चेतन बदियानी, चीफ ऑफ सेक्युरिटी ब्रिगेडियर विनय बहल तसेच पीआरओ शशिकांत कोठेकर यांनी उपस्थित मान्यवरांचे जिव्हाळ्याने स्वागत केले. पाहुण्यांसाठी इफ्तारची उत्तम व्यवस्था करण्यात आली होती. कार्यक्रमादरम्यान हाफिज रोशिक रझ...

नफिसा गिरकर  : मुंब्रा–कौसा परिसरात  रस्त्यांवर बाईकवर धोकादायक स्टंटबाजी करणाऱ्या आणि बेदरकारपणे वाहन चालवणाऱ्या दुचाकीस्वारांविरोधात मुंब्रा पोलिस व वाहतूक पोलिसांनी कडक कारवाई करण्याचा पवित्रा घेतला आहे.  मित्तल ग्राउंड व एमएम व्हॅली रोड परिसरात काही युवकांकडून वेगाने बाईक चालवणे तसेच स्टंट करण्याचे प्रकार वाढल्याचे निदर्शनास आले आहे. यामुळे पोलिसांनी असे प्रकार रोखण्यासाठी कारवाई सुरु केली आहे.   गेल्या काही दिवसांत या स्टंटबाजीचे व्हिडिओ व्हायरल झाले होते. या व्हिडिओंमध्ये काही युवक सार्वजनिक रस्त्यांवर धोकादायक स्टंट करताना दिसत असल्याने स्थानिक नागरिकांनी तीव्र नाराजी व्यक्त केली होती. या प्रकारामुळे परिसरातील रहिवाशांच्या सुरक्षेला धोका निर्माण होत असल्याने संबंधितांवर कठोर कारवाई करण्याची मागणी करण्यात आली होती. या पार्श्वभूमीवर मुंब्रा पोलिसांनी वाहतूक पोलिसांच्या मदतीने संयुक्त कारवाई सुरू केली असून नियमांचे उल्लंघन करणाऱ्या दुचाकीस्वारांविरोधात दंडात्मक कारवाई करण्यात येत आहे. या कारवाईदरम्यान सात बाईक जप्त करण्यात आल्या असून पुढील काळातही अशा रॅश ड्...

नफिसा गिरकर :  मुंब्रा कौसामध्ये एम आय एम पक्षाचे पाच नगरसेवक निवडून आले आहेत, आगामी काळात पार्टी पक्ष अधिक सशक्त होईल व आणखी जास्त नगरसेवक निवडून येतील व जनतेच्या समस्या सोडवून विविध विकास कामे करतील, असा विश्वास एमआयएमचे राष्ट्रीय प्रवक्ते, माजी आमदार अँड. वारिस पठाण यांनी व्यक्त केला. रमजान निमित्त एमआयएम पक्षातर्फे मुंब्रा मध्ये इफ्तार कार्यक्रमाचे आयोजन करण्यात आले होते.  या इफ्तार कार्यक्रमात मोठ्या संख्येने नागरिक सहभागी झाले. त्यावेळी वारिस पठाण बोलत होते. ठाणे महापालिकेतील एमआयएम चे गट नेते सैफ पठाण यांच्यातर्फे या इफ्तार कार्यक्रमाचे आयोजन करण्यात आले होते. या इफ्तार कार्यक्रमाला करीम खान, एमआयएमचे नवनिर्वाचित नगरसेवक, पक्षाचे पदाधिकारी व कार्यकर्ते मोठ्या संख्येने उपस्थित होते.  ठाणे महापालिकेच्या निवडणुकीत एम आय एम ला मुंब्रा कौसा मध्ये पाच जागांवर विजय मिळवल्याने पक्षातर्फे मुंब्रा कौसा विभागावर जास्त लक्ष केंद्रित केले जात आहे. पक्षाला अधिक सशक्त करून पक्ष मजबूत केला जाईल, असे वारीस पठाण यांनी सांगितले.  देशात व जगात ...

लोकमानस प्रतिनिधी मुंबई : हाजी अली दर्गाह येथे शनिवारी रात्री पवित्र रमजान महिन्यानिमित्त आयोजित करण्यात आलेल्या वार्षिक ‘देसी सेहरी’ कार्यक्रमाला विविध क्षेत्रांतील मान्यवरांची उत्स्फूर्त उपस्थिती लाभली. उद्योग, सामाजिक, सांस्कृतिक तसेच राजकीय क्षेत्रातील अनेक प्रतिष्ठित व्यक्तींनी या कार्यक्रमात सहभागी होत रमजानच्या पवित्र परंपरेचा आणि एकतेच्या संदेशाचा अनुभव घेतला. हा कार्यक्रम माहीम आणि हाजी अली दरगाहचे व्यवस्थापकीय विश्वस्त सोहेल खंडवानी यांच्या मार्गदर्शनाखाली पार पडला. कार्यक्रमाच्या सुरुवातीला त्यांनी उपस्थित पाहुण्यांचे स्वागत करत रमजान महिन्याच्या माध्यमातून समाजात एकता, कृतज्ञता आणि सामाजिक सलोखा टिकवून ठेवण्याच्या परंपरांचे महत्त्व अधोरेखित केले. अरबी समुद्राच्या मध्यभागी एका छोट्या बेटावरील हाजी अली दर्गाह ही मुंबईतील अत्यंत ऐतिहासिक आणि श्रद्धास्थान मानली जाते. या पवित्र स्थळाला दरवर्षी अंदाजे दोन कोटींहून अधिक भाविक आणि पर्यटक भेट देतात. त्यामुळे हाजी अली आणि माहीम दर्गाह ही मुंबईसह देशातील सर्वाधिक भेट दिल्या जाणाऱ्या आध्यात्मिक स्थळांपैकी एक मान...

नफिसा गिरकर  : कौसा परिसरातील अरमान को-ऑपरेटिव्ह हाऊसिंग सोसायटी येथील नदीम खान यांच्या वाहनावर शनिवारी पहाटे गोळीबार करण्यात आला. गोळीबाराची घटना घडल्याने काही काळ परिसरात तणावाचे वातावरण निर्माण झाले. मात्र मुंब्रा पोलिसांनी तत्परतेने कारवाई करत अवघ्या एका तासात आरोपीला शस्त्रासह ताब्यात घेतले. त्यावेळी आरोपीने पोलिस पथकावर गोळीबार केला. त्यामध्ये दोन व्यक्ती जखमी झाल्या.   जखमींमध्ये रहीम रियाज सय्यद व फारुख अब्दुल अहमद शेख यांचा समावेश आहे.  फारुकला पोटावर किरकोळ जखम आणि रहीम ला डाव्या हाताच्या बोटावर जखम झाल्याची माहिती वरिष्ठ पोलीस निरीक्षक अनिल शिंदे यांनी दिली. त्यांना उपचारासाठी काळसेकर रुग्णालयात दाखल करण्यात आले आहे. पोलिसांनी आरोपीला पकडण्याचा प्रयत्न केला तेव्हा  आरोपीने पोलिसांना पाहताच पाच गोळ्या झाडल्या.नागरिकांच्या सुरक्षिततेचा विचार करून पोलिस अधिकाऱ्यांनी  गोळीबार केला नाही. मात्र पोलिसांनी धाडसी कारवाई करत आरोपीला फायरिंगमध्ये वापरलेल्या शस्त्रासह ताब्यात घेतले असून त्याच्याकडे या प्रकरणी अधिक चौकशी सुरू आहे.  ७ मार्च  रोजी पहा...

मुंबई - हजरत मुसन्ना मिया यांचा वार्षिक ऊर्स गुरुवारी मध्यरात्री भावपूर्ण वातावरणात संपन्न झाला. या ऊर्ससाठी मुंबई, ठाणे तसेच परिसरातील सामाजिक, धार्मिक आणि राजकीय क्षेत्रातील अनेक मान्यवरांनी मोठ्या संख्येने उपस्थिती लावली होती.  ऊर्स निमित्त मुसन्ना मिया यांचे उत्तराधिकारी तसेच ऑल इंडिया जमैतुल उलेमा संघटनेचे राष्ट्रीय अध्यक्ष सय्यद  मोईनुद्दीन अश्रफ (मोईन मिया) यांच्या मार्गदर्शनाखाली विशेष कार्यक्रमाचे आयोजन छोटा सोनापूर येथे करण्यात आले होते. यावेळी मोईन मिया यांनी सामूहिक दुआ केली. समाजात शांतता, सलोखा आणि बंधुभाव टिकून राहावा यासाठी प्रार्थना करण्यात आली. या कार्यक्रमाला माजी केंद्रीय मंत्री तथा शिवसेना उबाठाचे खासदार अरविंद सावंत, खासदार संजय दिना पाटील, आमदार मनोज जामसूतकर, माजी मंत्री तथा आमदार जितेंद्र आव्हाड, माजी मंत्री कॉंग्रेसचे आमदार अस्लम शेख, समाजवादी पक्षाचे आमदार रईस शेख,माजी मंत्री आरिफ नसीम खान, माजी आमदार जीशान सिद्दीकी, माजी राज्य मंत्री शिवसेना उबाठाचे आमदार सचिन अहिर, काँग्रेस विधिमंडळ उपनेते आमदार अमिन पटेल,  अल्पसंख्याक ...

नफिसा गिरकर - मध्य पूर्वेतील  संकटामुळे परदेशात अडकलेल्या प्रामाणिक भारतीय करदात्यांच्या परतण्याच्या विमान तिकीटाचा खर्च केंद्र सरकार, महाराष्ट्र सरकार किंवा भारतीय दूतावासांनी उचलावा, अशी मागणी समाजवादी पार्टीचे भिवंडी पूर्व मतदारसंघाचे आमदार रईस शेख यांनी केली आहे. २८ फेब्रुवारी पासून अमेरिका-इस्रायलच्या इराणवरील हल्ल्यामुळे इराण, इराक, कतार, यूएई, सौदी अरेबिया यासह अनेक देशांनी हवाई क्षेत्र बंद केले. यामुळे गेल्या काही दिवसांत ३,००० हून अधिक उड्डाणे रद्द झाली असून, गल्फ आणि ट्रांझिट ठिकाणी हजारो भारतीय अडकले आहेत. भारतीय प्लॅटफॉर्मद्वारे पूर्ण भाडे + १८% जीएसटी भरून तिकीट बुक केलेल्या प्रवाशांना आता दुसऱ्या एअरलाइन्सकडून मूळ किंमतीच्या ३ ते ५ पट जास्त दराने नवीन तिकीट घ्यावे लागत आहे. “हे नागरिक दरवर्षी प्रामाणिकपणे कर भरतात. सरकारला हा महसूल मिळतो. संकटात त्यांना सुरक्षित घरी आणणे ही सरकारची जबाबदारी आहे. करदात्यांना पुन्हा महागडी विमान तिकीटे का भरावी लागतात?” असे आमदार रईस शेख यांनी विचारले.त्यांनी महाराष्ट्र सरकारला पत्र लिहून विशेष चार्टर उड्डाणे किंवा परतण्याच्...

नफिसा गिरकर :  राज्यसभा निवडणुकीसाठी अर्ज करण्याची मुदत गुरुवारी संपत असताना उपमुख्यमंत्री एकनाथ शिंदे यांच्या नेतृत्वाखालील शिवसेनेने राज्यसभेसाठी इच्छुक दिग्गज उमेदवारांना डावलून नव्या नेतृत्वाला राज्यसभेची उमेदवारी दिली आहे. शिवसेनेच्या प्रवक्त्या म्हणून काम करणाऱ्या शिवसेनेचा आक्रमक आणि अभ्यासू चेहरा म्हणून ओळख निर्माण केलेल्या प्राध्यापक डॉ. ज्योती वाघमारे यांना राज्यसभेसाठी उमेदवारी जाहीर करण्यात आली आहे. डॉ.वाघमारे या सोलापूर जिल्ह्यातील असून मागील पंधरा वर्षांपासून सामाजिक आणि आर्थिक राजकीय क्षेत्रात सक्रियपणे काम करत आहेत.  शिवसेनेतून राज्यसभेवर जाण्यासाठी माजी खासदार राहुल शेवाळे, प्रवक्त्या शायना एन सी,  माजी केंद्रीय मंत्री आनंद अडसूळ,माजी खासदार गजानन कीर्तिकर यांच्यासह अनेक जण इच्छुक होते. मात्र, या सर्वांना बाजूला सारत एकनाथ शिंदे यांनी ज्योती वाघमारे यांच्या नावावर शिक्कामोर्तब केले.  शिवसेनेतील उठावानंतर ज्योती वाघमारे यांनी एकनाथ शिंदे यांच्या नेतृत्वाचा स्वीकार करत एप्रिल 2023 मध्ये शिवसेनेत प्रवेश केला होता. सध्या त्यांच्या...

नफिसा गिरकर - मुंबई : राज्यसभेच्या सात जागांसाठी होणाऱ्या निवडणुकीच्या पार्श्वभूमीवर राज्यातील राजकारणात महत्त्वपूर्ण घडामोड झाली असून महाविकास आघाडीच्या वाट्याला आलेल्या एका जागेसाठी उमेदवाराचे नाव निश्चित झाले आहे. राष्ट्रवादी कॉंग्रेसचे संस्थापक अध्यक्ष, माजी केंद्रीय मंत्री शरद पवार यांना उमेदवारी देण्याचा निर्णय घेण्यात आला असून, या उमेदवारीला काँग्रेस पक्षाने अधिकृत पाठिंबा जाहीर केला आहे.   काँग्रेसचे  प्रदेशअध्यक्ष हर्षवर्धन सपकाळ यांनी पत्रकार परिषदेत याबाबत माहिती दिली.  महाविकास आघाडीतील घटक पक्षांमध्ये सकारात्मक चर्चा होऊन हा निर्णय एकमताने घेण्यात आल्याची माहिती सपकाळ यांनी दिली. मुंबईतील गांधी भवन येथे राष्ट्रवादी काँग्रेस (शरद पवार) पक्षाच्या कार्याध्यक्ष खासदार सुप्रिया सुले यांनी काँग्रेसच्या वरिष्ठ नेत्यांची भेट घेतली. या बैठकीस काँग्रेसचे विधिमंडळ पक्षनेते विजय वडेट्टीवार, विधान परिषदेतील काँग्रेसचे गटनेते सतेज पाटील, प्रदेश उपाध्यक्ष मोहन जोशी, तसेच राष्ट्रवादी काँग्रेसचे आमदार जितेंद्र आव्हाड यावेळी उपस्थित होते.   ...

नफिसा गिरकर  - मुंबई  : सार्वजनिक वाहतूक व्यवस्थेत महिलांच्या सुरक्षिततेसंदर्भात करण्यात आलेल्या राज्यव्यापी सेफ्टी ऑडिटचा आढावा घेण्यासाठी विधानभवनात उपसभापती डॉ.नीलम गोऱ्हे यांच्या अध्यक्षतेखाली उच्चस्तरीय बैठक पार पडली. बदलापूर येथील अल्पवयीन मुलीवरील अत्याचाराची घटना आणि स्वारगेट बसस्थानकावरील प्रकरणाच्या पार्श्वभूमीवर ही बैठक आयोजित करण्यात आली.  स्वयंसेवी संस्थांमार्फत राज्यातील २४२ ठिकाणी करण्यात आलेल्या सेफ्टी ऑडिटमधील शिफारशी तातडीने आणि निश्चित कालमर्यादेत अंमलात आणाव्यात, असे स्पष्ट निर्देश  डॉ. गोऱ्हे यांनी प्रशासनाला दिले. बस स्थानके, रेल्वे स्थानके व सार्वजनिक वाहतुकीशी संबंधित ठिकाणांची प्रत्यक्ष पाहणी करून सीसीटीव्ही, प्रकाश व्यवस्था, महिला पोलिसांची गस्त, हेल्पलाईन, पॅनिक बटण, स्वच्छतागृहे, तक्रार नोंदणी प्रणाली आणि ‘हिरकणी कक्ष’ यांची स्थिती तपासण्यात आली. अनेक सुविधा अस्तित्वात असूनही त्यांची प्रभावी अंमलबजावणी होत नसल्याचे अहवालात नमूद करण्यात आले. विशेषतः पॅनिक बटण प्रणाली कार्यक्षम नसल्याचे आढळल्याने ती नियंत्रण कक्षाशी तसेच व्हॉट्सअ‍ॅप क्रमांका...

   नफीसा गिरकर-  राज्यसभा निवडणुकीसाठी भारतीय जनता पक्षाने महाराष्ट्रातील चार नावांची घोषणा केली. पक्षाने यामध्ये धक्का तंत्राचा वापर केल्याचे दिसून आले.राज्यसभेच्या उमेदवारी बाबत कोणत्याही चर्चेत नसलेल्या दोन नावांचा समावेश या यादीत करण्यात आला आहे. तर त्यापैकी दोन नावे चर्चेतील आहेत. भाजपने पंतप्रधान नरेंद्र मोदी यांच्या मंत्रिमंडळातील विद्यमान केंद्रीय सामाजिक न्याय राज्यमंत्री रामदास आठवले यांना पुन्हा उमेदवारी जाहीर केली आहे. त्यासोबत भाजपाचे राष्ट्रीय सरचिटणीस व महाराष्ट्राचे माजी शिक्षण मंत्री विनोद तावडे यांना देखील खासदारकीचे तिकीट दिले आहे. या यादीतील सर्वात धक्कादायक बाब म्हणजे नागपूरच्या माजी महापौर माया इवनाते व राष्ट्रवादी काँग्रेसचे माजी विधान परिषद सदस्य रामराव वडकुते यांना राज्यसभेची लॉटरी लागली आहे. भाजपच्या चार जागांसाठी मोठ्या प्रमाणात रस्सीखेच होती राज्यसभेतून निवृत्त होत असलेले धैर्यशील पाटील व भागवत कराड हे सदस्य व माजी खासदार विनय सहस्त्रबुद्धे, माजी खासदार डॉ प्रीतम मुंडे, यांच्यासह अनेकांची नावे राज्यसभेसाठी चर...

नफिसा गिरकर :  मुंब्रा रेल्वे स्थानकासमोरच्या डोंगरावरील जंगलात मंगळवारी दुपारी आग लागल्याची घटना घडली. आग डोंगराच्या उंच भागात लागल्याने पाण्याचा मारा करणे शक्य होईल का याबाबत साशंकता आहे. या घटनेत कोणतीही जीवितहानी किंवा जखमी झाल्याची नोंद नाही. परिस्थिती लक्षात घेऊन याबाबतची माहिती  अग्निशमन दल व वनविभागाला देण्यात आली आहे. या आगीमुळे परिसरातील नागरिकांमध्ये भीतीचे वातावरण आहे. ही आग लागली की कुणी जाणिवपूर्वक लावली , अशी चर्चा केली जात आहे. गेल्या काही दिवसांपूर्वी मुंब्रादेवी मंदिरामागे डोंगरावर आग लागली होती.  तेव्हा देखील उंच भागात आग लागल्याने अग्निशमन दलाला आग विझवण्यासाठी पाण्याचा मारा करणे अशक्य झाले होते.  तापमानात सातत्याने वाढ होत असल्याने ही आग नैसर्गिकरित्या लागली की कोणी समाजकंटकाने जाणिवपूर्वक लावली याचा तपास होणे आवश्यक आहे.

नफिसा गिरकर : पारंपरिक पद्धतीने बांधलेली भारतीय नौदलाची नौका ओमानमधील मस्कत येथून आपला पहिला ऐतिहासिक परदेश प्रवास करुन परतली आहे. संरक्षण राज्यमंत्री संजय सेठ यांनी मुंबईतील नौदलाच्या तळावर भारतीय नौदलाचे शिडाचे जहाज आयएनएसव्ही कौंडिण्यचे स्वागत केले.  याप्रसंगी बोलताना संरक्षण राज्यमंत्र्यांनी या मोहिमेचे  राष्ट्रीय महत्त्व समजावून सांगितले. आयएनएसव्ही कौंडिण्यने   भारताच्या प्राचीन सागरी ज्ञान प्रणालीच्या  पुनरुत्थानाचे प्रतीक  आहे आणि ते देशातील युवा पिढीसाठी प्रेरणादायी ठरेल, असे ते म्हणाले. या प्रवासातून प्रतिबिंबित झालेले धाडस, चिकाटी  आणि शोधक वृत्ती अधोरेखित करुन त्यांनी युवा भारतीयांना आपल्या सांस्कृतिक आत्मविश्वासावर आधारलेल्या  साहस व नवोन्मेषासाठी प्रोत्साहन दिले. संजय सेठ यांनी युवा पिढीला आपल्या सांस्कृतिक आत्मविश्वासावर आधारलेल्या साहस व नवोन्मेषाचा पाठपुरावा करण्यासाठी  प्रोत्साहन दिले. अरबी समुद्रात पारंपरिक नौकेतून केलेल्या प्रवासादरम्यान या नौकेवरील कर्मचाऱ्यांनी दर्शवलेल्या समर्पित व व्यावसायिक वृत्तीचे...

नफिसा गिरकर : ठाणे महानगरपालिकेचे विरोधी पक्ष नेते राष्ट्रवादी काँग्रेस शरदचंद्र पवार पक्षाचे नगरसेवक अश्रफ शानू पठाण यांच्या विरोधात मुंब्रा पोलीस स्थानकात गुन्हा दाखल झाला आहे. महापालिका निवडणुकीत विजयी होऊन नगरसेवकपदी निवड झाल्यानंतर 27 जानेवारी रोजी आयोजित करण्यात आलेल्या विजयी मेळाव्यात पठाण यांनी छत्रपती शिवाजी महाराजांचा एकेरी उल्लेख करुन अपमान केल्याचा आरोप भाजपाच्या कौसा मंडळ अध्यक्ष नाझिया तांबोळी यांनी केला आहे. याप्रकरणी मुंब्रा पोलीस स्थानकात केलेल्या तक्रारीनंतर पोलिसांनी शानू पठाण यांच्या विरोधात भारतीय न्याय संहिता कलम 299 व 302 अन्वये गुन्हा नोंदवला आहे. अमृत नगर येथील दर्गाह गल्लीमध्ये स्थानिक आमदार जितेंद्र आव्हाड यांच्या प्रमुख उपस्थितीत झालेल्या विजयी मेळाव्यात शिवाजी महाराजांचा एकेरी उल्लेख केल्याचा प्रकार घडला होता. याबाबतची चित्रफित मुंब्रा व इतर परिसरात प्रसारित झाली असून मुंब्रा येथील मराठी मुसलमान म्हणून आपली शानू पठाण यांच्या विरोधात तक्रार असल्याचे तांबोळी म्हणाल्या. सदर चित्रफितीतील भाषणावेळी आमदार जितेंद्र आव्हाड हे सुद्धा दिसत आहेत, शानू पठाण...

नफिसा गिरकर : इस्राईल व अमेरिकेने इराणवर केलेल्या हल्ल्याविरोधात मुंब्रा मधील  अमृत नगर जवळील शिया समुदायाच्या मशीदीजवळ  या समाजाने भव्य मोर्चा काढला व अमेरिकेचा निषेध केला.  इराणचे सर्वोच्च नेते आयतुल्ला खामेनेई यांच्या निधनाबद्दल यावेळी शोक व्यक्त करण्यात आला. अमेरिका व इस्राईलच्या विरोधात यावेळी जोरदार घोषणाबाजी करण्यात आली. या मोर्चात मोठ्या संख्येने सहभागी झालेल्या शिया समुदायामुळे मुंब्रा येथील मुख्य रस्त्यावरील वाहतूक काही काळ विस्कळीत झाली होती.  अमेरिकेच्या दमणकारी योजना विरोधात या समुदायाने तीव्र संताप व्यक्त केला व अमेरिकेचे अध्यक्ष डोनाल्ड ट्रम्प यांच्या विरोधात जोरदार घोषणाबाजी केली. या मोर्चामध्ये मोठ्या संख्येने महिला सहभागी झाल्या होत्या. इराणवरील हल्ला हा केवळ इराण देशावरील हल्ला नसून जगातील संपूर्ण शिया समुदायावरील हल्ला असल्याचे आम्ही मानतो असे यावेळी उपस्थितांनी सांगितले. इस्राईल व अमेरिकेच्या विविध वस्तूंवर बहिष्कार घालण्यात येत असल्याची माहिती यावेळी देण्यात आली. 

नफीसा  गिरकर- ठाणे महानगरपालिकेच्या विरोधी पक्ष नेते पदी दुसऱ्यांदा निवड झाल्या बद्दल मुंब्रा कौसा येथील प्रभाग क्रमांक 32 चे नगरसेवक अश्रफ शानू पठाण यांचा मुंब्रा कौसामध्ये विविध ठिकाणी सत्कार करण्यात आला.  राष्ट्रवादी काँग्रेस पक्ष शरद पवार पक्षाचे मुंब्रा कळवा विधानसभा अध्यक्ष शमीम खान यांच्या नेतृत्वाखाली या सत्कार समारंभांचे आयोजन करण्यात आले होते. मुंब्रा रेल्वे स्थानकापासून शिमला पार्क परिसरापर्यंत विविध ठिकाणी फटाक्यांच्या आतषबाजीत पुष्पहार घालून पठाण यांचा सत्कार करण्यात आला.  सत्काराला उत्तर देताना पठाण यांनी मुंब्रा कौसा येथील नागरिकांच्या प्रेमाबद्दल आभार व्यक्त केले व प्रलंबित समस्या सोडवण्यासाठी पूर्ण क्षमतेने तत्पर राहण्याची ग्वाही दिली. आमदार जितेंद्र आव्हाड व पक्षाने जो विश्वास आपल्यावर दाखवला आहे त्याला पात्र ठरण्यासाठी पूर्ण प्रयत्न करण्याची ग्वाही शानू पठाण यांनी दिली. मुंब्रा मध्ये काही ठिकाणी उद्भवलेली पाणी टंचाई दूर करण्यासाठी प्रयत्न सुरु असल्याची माहिती त्यांनी दिली.  यावेळी राष्ट्रवादी कॉंग्रेस शरद पवार पक्षाचे पदाधिकारी, नगरसेवक...

नफिसा गिरकर  : कझाकस्तानचे राष्ट्रपती कासिम जोमार्ट टोकायेव यांनी गल्फमधील पाच देशांच्या नेत्यांना वैयक्तिक संदेश पाठवत सध्याच्या आव्हानात्मक परिस्थितीत त्या देशांच्या जनतेशी ऐक्य आणि ठाम पाठिंबा व्यक्त केला आहे. ही माहिती नवी दिल्ली येथील कझाकस्तानचे राजदूत अझमत येस्कारायेव यांनी दिली. राजदूत येस्करायेव यांनी सांगितले की, राष्ट्रपती टोकायेव यांनी युएई, सौदी अरेबिया, कतार, बहरिन, कुवैत या देशांच्या नेतृत्वाला वैयक्तिक संदेश पाठवले. या संदेशांमध्ये त्यांनी संबंधित देशांच्या सार्वभौमत्व, सुरक्षा आणि स्थैर्याला कझाकस्तानचा पूर्ण पाठिंबा असल्याचे नमूद केले. मैत्रीपूर्ण आणि बंधुत्वाच्या देशांच्या सार्वभौमत्वाला धक्का पोहोचवणाऱ्या कोणत्याही लष्करी कारवायांचा कझाकस्तानने तीव्र निषेध केला आहे. आंतरराष्ट्रीय प्रश्न आणि सशस्त्र संघर्ष हे केवळ राजनैतिक मार्गाने आणि संवादातूनच सोडवले जावेत, ही कझाकस्तानची स्पष्ट भूमिका असल्याचे राष्ट्रपती टोकायेव यांनी आपल्या संदेशात अधोरेखित केले. “आमचा देश सर्व गुंतागुंतीचे आंतरराष्ट्रीय प्रश्न आणि सशस्त्र संघर्ष केवळ राजनैतिक मार्गाने सोडवण्याचा...

नफिसा गिरकर : नोकरदार महिलांच्या सुरक्षिततेसाठी  कामाच्या ठिकाणी लैंगिक छळ प्रतिबंध कायदा म्हणजेच पॉश ॲक्टची प्रभावी अंमलबजावणी व्हावी यासाठी राज्यभरातील सर्व शासकीय, खाजगी कार्यालयातील अंतर्गत तक्रार समितीचे परीक्षण (पॉश ऑडिट) एक महिन्यात करण्यात यावे असे निर्देश राज्यातील सर्व जिल्हाधिकारी तसेच विभागीय आयुक्तांना राज्य महिला आयोगाच्या अध्यक्षा रूपाली चाकणकर यांनी दिले आहेत.   कामाच्या ठिकाणी महिलांचा लैंगिक छळ (प्रतिबंध मनाई व निवारण) अधिनियम, २०१३ (PoSH Act) नुसार प्रत्येक शासकीय, निमशासकीय, स्थानिक स्वराज्य संस्था, महामंडळ, मंडळ, स्वायत संस्था व खाजगी आस्थापनांमध्ये अंतर्गत समिती (IC) स्थापन करून प्रभावीपणे कार्यरत असणे बंधनकारक आहे, तसेच जिल्हास्तरावर स्थानिक तक्रार निवारण समिती (LC) असणे बंधनकारक आहे.  राज्य महिला आयोगाच्या अध्यक्षा रूपाली चाकणकर  यांच्याकडे येणाऱ्या विविध तक्रारी, अहवाल तसेच राज्यभरात दौरा करताना याबाबत अनेक त्रुटी आढळून आल्या आहेत.  अनेक कार्यालयांमध्ये अंतर्गत समितीची स्थापना नाही, केवळ कागदावर असलेल्या समिती, त्याबाबत ...

नफिसा गिरकर : ऑनलाईन खाद्य वितरण करणाऱ्या कर्मचाऱ्यांची सर्व आस्थापनांनी चारित्र्य पडताळणी अनिवार्यपणे करणे आवश्यक आहे. आधार कार्ड ,  पॅन कार्ड ,  ड्रायव्हिंग लायसन्स ,  वाहन विमा व श्रम नोंदणी यांसह सर्व कागदपत्रांची तपासणी केली जावी. पोलीस पडताळणी न करता कामावर ठेवलेल्या कर्मचाऱ्यांविरुद्ध कारवाई करण्यात येईल. असे  कामगार मंत्री आकाश फुंडकर यांनी सांगितले.   मुंबईसह राज्यात ऑनलाइन खाद्यपदार्थ वितरण करणाऱ्या कंपन्यांकडून वितरण कर्मचाऱ्यांची नियमित तपासणी करण्याबाबत विधानसभेत सदस्य भिमराव तापकीर यांनी प्रश्न उपस्थित केला..  फुंडकर म्हणाले की ,   सध्या काही  कंपन्या ऑनलाइन अ‍ॅप्लिकेशनद्वारे डिलिव्हरी पार्टनरची नियुक्ती करतात. ही प्रक्रिया त्रयस्त संस्थांमार्फत होत असल्याने कंपन्यांची थेट जबाबदारी मर्यादित दिसते. मात्र अलीकडच्या काळात काही ठिकाणी घडलेल्या घटनांच्या पार्श्वभूमीवर गृहविभाग आणि कामगार विभाग यांनी याबाबत चर्चा केली आहे ,  असेही त्यांनी यावेळी सांगितले.

नफिसा गिरकर : मुंब्रा कौसा मधील प्रभाग क्रमांक 30 मधील नागरिक गेल्या काही दिवसांपासून पाणीटंचाईने त्रस्त आहेत. रमजान महिना सुरू असताना पाण्याचे दुर्भिक्ष्य जाणवत असल्याने नागरिकांमध्ये संताप आहे. या प्रभागातून  एम आय एम चे चारही नगरसेवक विजयी झाले आहेत. त्यामुळे विरोधी पक्ष व प्रशासनाकडून जाणीवपूर्वक पाणीटंचाई केली जात असल्याचा आरोप केला जात आहे.  या परिसरात अमिनाबाद,एमटीएनएल कंपाऊंड,शरीफा रोडचा मागील काही भाग अशा ठिकाणी अत्यंत कमी दाबाने पाणी येणे, दोन-तीन दिवसातून एकदा पाणी येणे अशा तक्रारी स्थानिक नागरिकांकडून केल्या जात आहेत . राजकीय कुरघोडीतून ही समस्या उद्भवल्याचा आरोप नागरिक करत आहेत. त्यामुळे येथील नागरिकांना टँकरने पाणी वापरण्याची वेळ फेब्रुवारी महिन्यातच आली आहे.  येथील स्थानिक नगरसेवक नफीस अन्सारी यांनी पाणीपुरवठा विभागाचे कनिष्ठ कर्मचारी व प्रशासन दबावाखाली काम करत असल्याचा आरोप करून असे काम करणाऱ्यांविरोधात कडक कारवाई करण्याचा इशारा दिला आहे. एका दिवसात तब्बल 12 टँकरने पाणीपुरवठा केला आला असून नागरिकांचे हाल होऊ नयेत याची काळजी घेण्यात आल्याचे ते म्हणाले. वॉल...

मराठी भाषा गौरव दिनानिमित्त विधान भवनात ' जावे विनोदाच्या गावा' विशेष कार्यक्रम  नफिसा गिरकर : मुंबई :  जगामध्ये ज्ञानभाषा असलेल्या भाषांच पुढे प्रवाहित होत असल्याचा इतिहास आहे. ज्या भाषेतून व्यवहार चालतो, रोजगार मिळतो, ती भाषा प्रगतीचा भाव जागृत करते. त्यामुळे आपल्या अभिजात मराठी भाषेला ज्ञानभाषेत रूपांतरित करून समृद्ध अशी मराठी भाषा आपण पुढील पिढीपर्यंत नेऊया, असा निर्धार मुख्यमंत्री देवेंद्र फडणवीस यांनी विधानभवनाच्या मध्यवर्ती सभागृहात मराठी भाषा गौरव दिनानिमित्त आयोजित ' जावे विनोदाच्या गावा' या विशेष कार्यक्रमात व्यक्त केला.  यावेळी विधान परिषद सभापती प्रा. राम शिंदे, विधानसभा अध्यक्ष ॲड राहुल नार्वेकर, उपमुख्यमंत्री एकनाथ शिंदे, उपमुख्यमंत्री सुनेत्रा अजित पवार, विधान परिषद उपसभापती डॉ. नीलम गोऱ्हे, विधानसभा उपाध्यक्ष अण्णा बनसोडे, संसदीय कार्य मंत्री चंद्रकांतदादा पाटील, सांस्कृतिक कार्य मंत्री आशिष शेलार, मराठी भाषा समिती प्रमुख आशुतोष काळे, विधिमंडळ सचिवालयाचे सचिव जितेंद्र भोळे उपस्थित होते. मुख्यमंत्री  म्हणाले, छत्रपती शिवाजी महार...

 नफिसा गिरकर : राष्ट्रवादी काँग्रेस पक्ष शरदचंद्र पवार पक्षाचे मुंब्रा कळवा विधानसभा मतदारसंघाचे अध्यक्ष शमीम  खान यांच्या माध्यमातून मुंब्रा कौसा मधील गरजू नागरिकांना रमजाननिमित्त जीवनावश्यक वस्तूंचे वाटप करण्यात आले सुमारे 800 पेक्षा जास्त लोकांना यावेळी हे वाटप करण्यात आले.   यावेळी समीर खान, शोएब खान, जावेद शेख,  जुबेर अन्सारी, नूर चौधरी, रफी मुल्ला, शायना अन्सारी व इतर पदाधिकारी उपस्थित होते. रमजान ईद उत्साहात साजरी व्हावी यासाठी  ईदच्या पूर्वसंध्येला सुमारे दहा ते बारा  हजार जणांना दूध, शेवया सुका मेवा, साखर अशा शिरखुर्मासाठी आवश्यक वस्तू गेल्या काही वर्षांपासून वाटत असून यंदाही ही परंपरा कायम ठेवून वाटप करण्यात येईल, असे शमीम खान म्हणाले मुंब्रा कौसा परिसरातील ज्या गरजूंना दूध व शेवया हवे असतील त्यांनी पक्षाच्या तन्वर नगर येथील कार्यालयाशी संपर्क साधावा, असे आवाहन  खान यांनी केले.