lokmanas लोकमानस

नफिसा गिरकर : मुंब्रा कौसा मधील प्रभाग क्रमांक 30 मधील नागरिक गेल्या काही दिवसांपासून पाणीटंचाईने त्रस्त आहेत. रमजान महिना सुरू असताना पाण्याचे दुर्भिक्ष्य जाणवत असल्याने नागरिकांमध्ये संताप आहे. या प्रभागातून  एम आय एम चे चारही नगरसेवक विजयी झाले आहेत. त्यामुळे विरोधी पक्ष व प्रशासनाकडून जाणीवपूर्वक पाणीटंचाई केली जात असल्याचा आरोप केला जात आहे.  या परिसरात अमिनाबाद,एमटीएनएल कंपाऊंड,शरीफा रोडचा मागील काही भाग अशा ठिकाणी अत्यंत कमी दाबाने पाणी येणे, दोन-तीन दिवसातून एकदा पाणी येणे अशा तक्रारी स्थानिक नागरिकांकडून केल्या जात आहेत . राजकीय कुरघोडीतून ही समस्या उद्भवल्याचा आरोप नागरिक करत आहेत. त्यामुळे येथील नागरिकांना टँकरने पाणी वापरण्याची वेळ फेब्रुवारी महिन्यातच आली आहे.  येथील स्थानिक नगरसेवक नफीस अन्सारी यांनी पाणीपुरवठा विभागाचे कनिष्ठ कर्मचारी व प्रशासन दबावाखाली काम करत असल्याचा आरोप करून असे काम करणाऱ्यांविरोधात कडक कारवाई करण्याचा इशारा दिला आहे. एका दिवसात तब्बल 12 टँकरने पाणीपुरवठा केला आला असून नागरिकांचे हाल होऊ नयेत याची काळजी घेण्यात आल्याचे ते म्हणाले. वॉल...

मराठी भाषा गौरव दिनानिमित्त विधान भवनात ' जावे विनोदाच्या गावा' विशेष कार्यक्रम  नफिसा गिरकर : मुंबई :  जगामध्ये ज्ञानभाषा असलेल्या भाषांच पुढे प्रवाहित होत असल्याचा इतिहास आहे. ज्या भाषेतून व्यवहार चालतो, रोजगार मिळतो, ती भाषा प्रगतीचा भाव जागृत करते. त्यामुळे आपल्या अभिजात मराठी भाषेला ज्ञानभाषेत रूपांतरित करून समृद्ध अशी मराठी भाषा आपण पुढील पिढीपर्यंत नेऊया, असा निर्धार मुख्यमंत्री देवेंद्र फडणवीस यांनी विधानभवनाच्या मध्यवर्ती सभागृहात मराठी भाषा गौरव दिनानिमित्त आयोजित ' जावे विनोदाच्या गावा' या विशेष कार्यक्रमात व्यक्त केला.  यावेळी विधान परिषद सभापती प्रा. राम शिंदे, विधानसभा अध्यक्ष ॲड राहुल नार्वेकर, उपमुख्यमंत्री एकनाथ शिंदे, उपमुख्यमंत्री सुनेत्रा अजित पवार, विधान परिषद उपसभापती डॉ. नीलम गोऱ्हे, विधानसभा उपाध्यक्ष अण्णा बनसोडे, संसदीय कार्य मंत्री चंद्रकांतदादा पाटील, सांस्कृतिक कार्य मंत्री आशिष शेलार, मराठी भाषा समिती प्रमुख आशुतोष काळे, विधिमंडळ सचिवालयाचे सचिव जितेंद्र भोळे उपस्थित होते. मुख्यमंत्री  म्हणाले, छत्रपती शिवाजी महार...

 नफिसा गिरकर : राष्ट्रवादी काँग्रेस पक्ष शरदचंद्र पवार पक्षाचे मुंब्रा कळवा विधानसभा मतदारसंघाचे अध्यक्ष शमीम  खान यांच्या माध्यमातून मुंब्रा कौसा मधील गरजू नागरिकांना रमजाननिमित्त जीवनावश्यक वस्तूंचे वाटप करण्यात आले सुमारे 800 पेक्षा जास्त लोकांना यावेळी हे वाटप करण्यात आले.   यावेळी समीर खान, शोएब खान, जावेद शेख,  जुबेर अन्सारी, नूर चौधरी, रफी मुल्ला, शायना अन्सारी व इतर पदाधिकारी उपस्थित होते. रमजान ईद उत्साहात साजरी व्हावी यासाठी  ईदच्या पूर्वसंध्येला सुमारे दहा ते बारा  हजार जणांना दूध, शेवया सुका मेवा, साखर अशा शिरखुर्मासाठी आवश्यक वस्तू गेल्या काही वर्षांपासून वाटत असून यंदाही ही परंपरा कायम ठेवून वाटप करण्यात येईल, असे शमीम खान म्हणाले मुंब्रा कौसा परिसरातील ज्या गरजूंना दूध व शेवया हवे असतील त्यांनी पक्षाच्या तन्वर नगर येथील कार्यालयाशी संपर्क साधावा, असे आवाहन  खान यांनी केले.

नफिसा गिरकर :  अल्पसंख्यांक संशोधन व प्रशिक्षण संस्था ( मार्टी ) आपले नियमित कामकाज लवकरच सुरू करणार आहे, अशी माहिती उपमुख्यमंत्री तथा अल्पसंख्यांक विकास विभागाच्या मंत्री सुनेत्रा पवार यांनी तारांकित प्रश्नाला गुरुवारी विधानसभेत दिली. समाजवादी पक्षाचे भिवंडी पूर्वचे आमदार रईस शेख यांनी अल्पसंख्याक संशोधन व प्रशिक्षण संस्थेचे (मार्टी ) कामकाज संस्था स्थापन होऊन काही महिने झाले तरी प्रत्यक्षात कामकाज प्रलंबित असल्याबाबत तारांकित प्रश्न उपस्थित केला होता. त्याला उत्तर देताना उपमुख्यमंत्री सुनेत्रा पवार यांनी सांगितले की, छत्रपती संभाजीनगर येथील हज हाऊस येथे अल्पसंख्यांक संशोधन व प्रशिक्षण संस्थेचे तात्पुरत्या स्वरूपात कार्यालय स्थापन केले आहे. संस्थेच्या कार्यालयीन खर्चासाठी या वर्षासाठी तीन कोटी बारा लक्ष रुपये पुरवणी मागण्या द्वारे मंजूर केले आहेत. संस्थेची कंपनी कायद्यानुसार नोंदणी करण्याबाबत नुकताच सल्लागार नियुक्त केला आहे. त्यानुसार संस्थेच्या नोंदणीची कार्यवाही करण्यात येत आहे. या संस्थेच्या कामकाजास प्रारंभ करा, अशा सूचना संबंधितांना विभागाच्या वतीने देण्यात आल्या...

नफिसा गिरकर : कोकण पदवीधर मतदारसंघाचे आमदार ॲड. निरंजन डावखरे यांची भाजपच्या महाराष्ट्र प्रदेश सरचिटणीस (कोकण विभाग) या  पदावर नियुक्ती करण्यात आली आहे. no आ. डावखरे यांनी भाजपच्या संघटनात्मक बळकटीसाठी प्रभावी कामगिरी केली आहे.  त्यांनी आतापर्यंत भाजप ठाणे शहर जिल्हाध्यक्ष,  रत्नागिरी जिल्हा नगर परिषद, नगरपंचायत आणि ठाणे महानगरपालिका निवडणुकांमध्ये प्रभारी म्हणून जबाबदारी यशस्वीरीत्या पार पाडली आहे.  त्यांच्या कार्यतत्परतेची दखल घेत पक्षश्रेष्ठींनी त्यांच्यावर नवीन महत्त्वपूर्ण जबाबदारी सोपवली आहे. “भारतीय जनता पार्टीचे राष्ट्रीय अध्यक्ष नितीन नबीन, पक्षश्रेष्ठी तसेच महाराष्ट्र प्रदेशाध्यक्ष  रविंद्र चव्हाण यांनी माझ्यावर विश्वास ठेवून कोकण विभागाच्या प्रदेश सरचिटणीसपदाची जबाबदारी सोपवली, याबद्दल मी मनःपूर्वक आभारी आहे,  अशी प्रतिक्रिया डावखरे यांनी व्यक्त केली.   पंतप्रधान  नरेंद्र मोदी,केंद्रीय गृहमंत्री अमित शाह आणि ॉ मुख्यमंत्री देवेंद्र फडणवीस यांच्या सक्षम, दूरदर्शी आणि विकासाभिमुख नेतृत्वाखाली पक्षाने दिलेली जबा...

नफिसा गिरकर : रमजान महिन्यात वाढणारी गर्दी आणि त्यातून निर्माण होणारी वाहतूक कोंडी लक्षात घेऊन मुंब्रा-कौसा परिसरातील वाहतूक सुरळीत ठेवण्यासाठी पोलिस प्रशासन व स्थानिक लोकप्रतिनिधींकडून विशेष उपाययोजना करण्यात येत आहेत. रमजानच्या काळात संध्याकाळनंतर बाजारपेठांमध्ये व मशिदींलगत मोठ्या प्रमाणात नागरिकांची गर्दी होते. त्यातच रस्त्याच्या कडेला उभे राहणारे अनधिकृत फेरीवाले व बेकायदा पार्किंग यामुळे वाहतुक कोंडीची समस्या तीव्र होते. या पार्श्वभूमीवर सहाय्यक पोलिस आयुक्त प्रिया ढमाले आणि वरिष्ठ पोलिस निरीक्षक अनिल शिंदे यांनी स्वतः रस्त्यावर उतरून परिस्थितीचा आढावा घेतला असून, संबंधितांना आवश्यक त्या सूचना देत शिस्तबद्ध नियोजनाची अंमलबजावणी सुरू केली आहे.तसेच नगरसेविका मर्झिया पठाण यांच्या फाउंडेशनतर्फे स्वयंसेवकांची टीम रस्त्यावर उतरून वाहतूक नियमन करत आहे. नगरसेविका  पठाण यांच्या पुढाकारातून अमृतनगर व दारुल फलाह मशीद परिसर येथे स्वतः  पठाण व स्वयंसेवक मध्यरात्रीपर्यंत कार्यरत राहून वाहतूक सुरळीत ठेवण्यासाठी मदत करत आहेत. गेल्या सहा वर्षांपासून हा उपक्रम सातत...

नफिसा गिरकर - दिवा : दिवा रेल्वे स्थानक परिसरातील वाढत्या बेकायदा फेरीवाल्यांविरोधात तात्काळ कारवाई करण्याची जोरदार मागणी दिवा शहर नागरी हक्क समितीच्या वतीने ठाणे महानगरपालिकेच्या दिवा प्रभाग समितीकडे करण्यात आली आहे. दिवा रेल्वे स्थानकाच्या परिसरात मोठ्या प्रमाणावर फेरीवाले रस्ते अडवून बसत असल्यामुळे नागरिकांना ये-जा करण्यास गंभीर अडचणी निर्माण होत आहेत. यामुळे सतत वाहतूक कोंडी होत असून आपत्कालीन सेवा, रुग्णवाहिका तसेच सार्वजनिक वाहतुकीलाही अडथळा निर्माण होत आहे. स्थानिक नागरिकांच्या सुरक्षेचा प्रश्नही निर्माण झाला आहे. स्थानिक प्रशासनाकडे संबंधित परिसर फेरीवाला मुक्त विभाग  घोषित करण्याचा अधिकार असतानाही त्याची प्रभावी अंमलबजावणी होत नसल्याचे समितीचे म्हणणे आहे. परिणामी नियमांचे उघड उल्लंघन सुरू असून परिस्थिती दिवसेंदिवस गंभीर होत चालली आहे. समितीच्या प्रमुख मागण्या: दिवा रेल्वे स्थानक परिसर तात्काळ फेरीवाला मुक्त विभाग घोषित करावा, सर्व बेकायदा फेरीवाल्यांवर कठोर कारवाई करावी, भविष्यात अशा अतिक्रमणांना आळा घालण्यासाठी विशेष पथक नियुक्त करावे, नागरिकांच्या सुरक्षिततेस...

नफिसा गिरकर :  ठाणे महानगरपालिकेच्या विरोधी पक्षनेतेपदी मुंब्रा येथील राष्ट्रवादी काँग्रेस शरदचंद्र पक्ष पवार पक्षाचे शानू पठाण यांची तर सभागृह नेतेपदी शिवसेनेच्या हणमंत जगदाळे यांची निवड करण्यात आली.  विरोधी पक्षनेते शानू पठाण शानू पठाण यापूर्वी विरोधी पक्षनेते पदी कार्यरत होते तसेच हनुमंत जगदाळे देखील यापूर्वी सभागृह नेतेपदी होते. ठाण्याच्या महापौर शर्मिला पिंपळोलकर यांच्या अध्यक्षतेखाली झालेल्या बैठकीमध्ये या निवडीची घोषणा करण्यात आली. जानेवारी मध्ये झालेल्या महापालिका निवडणुकीत 131 सदस्य महापालिकेत 75 जागा मिळून शिवसेनेने स्पष्ट बहुमत प्राप्त केले आहे. तर भारतीय जनता पार्टी 28, राष्ट्रवादी काँग्रेस पार्टी शरदचंद्र पवार 12, राष्ट्रवादी काँग्रेस पक्ष अजित पवार 9, एम आय एम 5 व शिवसेना उबाठा यांना एका जागेवर विजय मिळाला होता.  सभागृह नेते - हणमंत जगदाळे  शुक्रवारी ठाणे महानगरपालिकेची पहिली महासभा पार पडली. त्यामध्ये दिवंगत उपमुख्यमंत्री अजित पवार यांना श्रद्धांजली वाहून कामकाज तहकूब करण्यात आले होते. ती सभा सोमवारी घेण्यात आली. 

नफिसा गिरकर :  चित्रपटांमध्ये वाढत्या प्रमाणात दाखविण्यात येणाऱ्या हिंसाचार आणि गुन्हेगारी प्रवृत्तीबाबत मुंब्र्यातील सामाजिक कार्यकर्ता नुरूद्दीन नाईक यांनी पत्राद्वारे राज्य शासनाकडे गंभीर चिंता व्यक्त केली आहे.  नाईक यांनी मुख्यमंत्री तसेच सेन्सॉर बोर्डाच्या अध्यक्षांना पत्र पाठवून चित्रपटांतील आशयाचा समाजावर, विशेषतः तरुण पिढीवर होणाऱ्या परिणामाबाबत लक्ष वेधले आहे. अनेक चित्रपटांमध्ये हिंसा, गुन्हेगारी आणि समाजविघातक वर्तनाचे गौरवीकरण केले जात आहे. समस्यांचे निराकरण करण्यासाठी हिंसक मार्ग योग्य असल्याचे चित्रण केल्यामुळे तरुणांच्या मनावर विपरीत परिणाम होऊ शकतो. अशा प्रकारच्या आशयामुळे आक्रमक वृत्ती वाढण्याची तसेच कायद्याबाबत अनास्था निर्माण होण्याची भीती त्यांनी व्यक्त केली आहे. शासनाने चित्रपटांच्या आशयाबाबत अधिक जबाबदारीची भूमिका घ्यावी, अशी मागणी नाईक यांनी केली आहे. चित्रपट प्रमाणन प्रक्रियेदरम्यान समाजावर होणाऱ्या संभाव्य परिणामांचा सखोल विचार करावा आणि आवश्यक तेथे कठोर भूमिका घ्यावी, असेही त्यांनी सूचित केले आहे. यासाठी त्यांनी काही ठोस उपाययोजनांचा प्रस्ताव मांडला आ...

नफिसा गिरकर :  सामाजिक शांतता भंग करण्याचा प्रयत्न करणा-यांविरोधात कडक कायदेशीर कारवाई करण्याचा इशारा ठाण्याचे सह पोलिस आयुक्त डॅा ज्ञानेश्वर चव्हाण यांनी मुंब्रा मध्ये दिला. गुरुवारपासून रमजान महिन्याला प्रारंभ होत असून त्याच दिवशी शिवजयंती देखील आहे, या पार्श्वभूमीवर चव्हाण यांनी बुधवारी दुपारी मुंब्रा पोलिस स्थानकाला भेट देऊन अधिका-यांशी  संवाद साधला व परिस्थितीचा आढावा घेऊन आवश्यक सूचना दिल्या. यावेळी पत्रकारांशी बोलताना चव्हाण म्हणाले, काही समाजकंटक सोशल मीडिया व इतर माध्यमातून जाणिवपूर्वक भावना भडकावण्याचा प्रयत्न करत असतात. पोलिसांचे यावर बारीक लक्ष असून असे प्रकार करणा-यांविरोधात कडक कारवाई केली जाईल. यापूर्वी असे प्रकार केलेल्यांवर पोलिस लक्ष ठेवून आहेत. नागरिकांनी देखील असे प्रकार समोर आल्यास तातडीने पोलिसांना माहिती द्यावी. अशा प्रकारांमुळे शांतता धोक्यात येणार नाही याची काळजी घ्यावी, असे आवाहन त्यांनी केले. सामाजिक सौहार्द कायम ठेवण्यात नागरिकांनी सहकार्य करावे असे चव्हाण म्हणाले.  रमजानच्या  महिन्यात  शरीर, मन, विचार व कृती चांगली ठेवली ...

नफिसा गिरकर : मुंब्रा येथील मौलाना अबुल कलाम आझाद स्टेडियम मध्ये आयोजित करण्यात आलेल्या लष्करातील अग्नीवीर भरतीचा समारोप  झाला. या भरती प्रक्रियेला उत्स्फुर्त प्रतिसाद मिळाला असून यामध्ये राज्यातील १५ जिल्ह्यांमधील १० हजारहून अधिक उमेदवारांनी सहभाग घेतला. ही भारतीय सेनेची भरती रॅली दोन आठवड्यांच्या काटेकोर छाननी व मूल्यमापन प्रक्रियेनंतर यशस्वीरित्या पार पडली. यामुळे देशसेवेसाठी युवकांमध्ये असलेला उत्साह व निष्ठा अधोरेखित झाली.या कार्यक्रमात ९० टक्क्यांहून अधिक उपस्थिती नोंदविण्यात आली, त्यामुळे भारतीय सेनेबद्दल युवकांमध्ये असलेला विश्वास, अभिमान आणि आदर स्पष्ट झाला, असे लष्करातर्फे सांगण्यात आले. मुंबई शहर,मुंबई उपनगर ठाणे,रायगड, नाशिक,पालघर, धुळे, नंदुरबार तसे पुणे आर ओ मुख्यालयाच्या अंतर्गत येणारे सात जिल्हे इथून या भरती प्रक्रियेसाठी उमेदवार  उपस्थित राहिले होते. भरती प्रक्रिया निर्धारित नियम व धोरणांनुसार पूर्णपणे पारदर्शक पद्धतीने पार पडली. संपूर्ण रॅलीदरम्यान निष्पक्षता, नैतिकता आणि गुणवत्ताधारित निवड प्रक्रियेचे उच्चतम निकष कायम ठेवण्यात आले. शारीरिक चाचण्य...

नफिसा गिरकर : मुंब्रा -  राष्ट्रवादी काँग्रेस पक्षातर्फे पक्ष कार्यालयात आयोजित करण्यात आलेल्या वैद्यकीय शिबिराचा लाभ 300 पेक्षा जास्त रुग्णांनी घेतला.  राष्ट्रवादी काँग्रेस पक्षाच्या मुंब्रा कौसा मध्यवर्ती कार्यालयात मोफत होमिओपॅथिक औषधे व थेरपी कॅम्पचे आयोजन राष्ट्रवादी काँग्रेस पक्षातर्फे करण्यात आले होते. यामध्ये परिसरातील रुग्णांनी भेट देऊन या शिबिराचा लाभ घेतला. यावेळी रुग्णांना एका आठवड्याची औषधे विनामूल्य देण्यात आल्याची माहिती तौहिद शेख यांनी दिली.डॉक्टर लियाकत परमार व त्यांच्या पथकाने यावेळी रुग्णांची तपासणी केली. या शिबिराला राष्ट्रवादी काँग्रेसचे ज्येष्ठ नगरसेवक नजीब मुल्ला ,राजन किने ,इब्राहिम राऊत,माजी नगरसेवक जफर नोमानी ,रिदा रशीद, रफीक शेख,मैनुल खान व पदाधिकारी उपस्थित होते.

नफिसा गिरकर: भारतीय जनता पक्षाचे ठाणे जिल्हाध्यक्ष तथा कोकण पदवीधर मतदार संघाचे विधान परिषदेचे सदस्य आमदार अ‍ॅड. निरंजन डावखरे यांच्या आमदार निधीतून मुंब्रा कौसा परिसरातील तेरा शाळांना शैक्षणिक साहित्याचे वाटप करण्यात आले. या उपक्रमांतर्गत शाळांना प्रोजेक्टर आणि संगणक प्रदान करण्यात आले असून, त्यामुळे विद्यार्थ्यांना आधुनिक तंत्रज्ञानाच्या माध्यमातून शिक्षण घेता  येईल.  यासाठी भाजपच्या कौसा मंडळ अध्यक्षा नाझिया तांबोळी यांनी पाठपुरावा केला होता. त्यांच्या प्रयत्नांमुळे  हा निधी उपलब्ध झाला असल्याचे सांगण्यात आले. वितरण कार्यक्रमादरम्यान शाळा प्रशासनांतर्फे आ.डावखरे व  तांबोळी यांचे आभार मानण्यात आले.  विद्यार्थ्यांना प्रोजेक्टर आणि संगणकांच्या साहाय्याने विविध विषय अधिक प्रभावीपणे समजून घेता येतील, डिजिटल माध्यमातून शिक्षण अधिक सोपे आणि आकर्षक होईल, असा विश्वास व्यक्त करण्यात आला. यावेळी डावखरे यांनी शैक्षणिक सुविधांसाठी मोठ्या प्रमाणावर निधी उपलब्ध करून देण्याचा निर्धार व्यक्त केला. ग्रामीण व शहरी भागातील विद्यार्थ्यांना दर्जेदार आणि तांत्रिकदृष्ट्य...

नफिसा गिरकर:  सोशल मीडियावर आक्षेपार्ह व्हॉट्सअँप स्टेटस ठेवून प्रेषित मोहम्मद यांचा अवमान केल्याप्रकरणी ब्रिजेश दुबे विरोधात मंगळवारी मुंब्रा पोलिस स्टेशनमध्ये गुन्हा दाखल करण्यात आला. मुंब्रा येथे राहणारा ब्रिजेश दुबे याने त्याच्या व्हॉट्सअँप स्टेटसवर एक व्हिडिओ ठेवला होता. त्या व्हिडिओमध्ये प्रेषित मोहम्मद  व इस्लाम धर्माविरूद्ध अपमानास्पद व आक्षेपार्ह उद्गार काढण्यात आल्याचा आरोप आहे. या प्रकरणी अब्दुल अझीम शेख यांनी मुंब्रा पोलीस स्टेशनमध्ये तक्रार दाखल केली. या तक्रारीची पोलिसांनी तत्काळ दखल घेत ब्रिजेश दुबे याच्याविरुद्ध भारतीय न्यायसंहिता 2023 अंतर्गत कलम 299, 356(2),  आणि 353(3) अन्वये गुन्हा नोंदवला आहे. पोलीसांकडून या प्रकरणाचा पुढील तपास सुरू असून संबंधित व्हिडिओ व सोशल मीडिया पोस्टची चौकशी करण्यात येत आहे. आरोपीविरुद्ध कायदेशीर कारवाई करण्यात येणार असल्याचे पोलिसांनी सांगितले आहे. हा गुन्हा दाखल करण्याच्या व कारवाई करण्याच्या मागणीसाठी सय्यद अली अश्रफ, तौहिद शेख, जफर नोमानी आणि रफिक शेख यांनी पाठपुरावा केला.

नफिसा गिरकर : मुंब्रा येथे पवित्र रमजान महिन्याची सुरुवात मोठ्या उत्साहात आणि धार्मिक वातावरणात झाली आहे. चंद्रदर्शनानंतर मुस्लिम बांधवांनी एकमेकांना शुभेच्छा देत संयम आणि सेवाभावाच्या या महिन्याचे स्वागत केले. शहरातील विविध भागांतील मशिदींमध्ये पहाटेच्या सहरीपासूनच हालचाल सुरू झाली असून रात्री विशेष तरावीह नमाजासाठी मोठी गर्दी होत आहे.मुंब्रा स्टेशन जवळील शैलेश नगर येथील मुख्य रस्त्यावर दिव्यांची रोषणाई करण्यात आली आहे त्यामुळे हा परिसर उजळून निघाला आहे. विविध मशिदी व परिसरात रोषणाई करण्यात आली आहे. धार्मिकदृष्ट्या रमजान हा संयम, आत्मशुद्धी आणि दानधर्माचा महिना मानला जातो. रोजा (उपवास) ठेवून पहाटेपासून सूर्यास्तापर्यंत अन्न-पाणी त्यागले जाते. संध्याकाळी इफ्तारच्या वेळी कुटुंबीय आणि मित्रपरिवार एकत्र येऊन रोजा सोडतात.  रमजान व आर्थिक उलाढाल पवित्र रमजान महिन्याच्या आगमनाने शहरातील बाजारपेठांमध्ये उत्साहाचे वातावरण निर्माण झाले असून आर्थिक उलाढालीलाही मोठी चालना मिळाली आहे. रोजा व इफ्तार  साठी विविध वस्तूंची मागणी वाढली असून व्यापाऱ्यांमध्ये समाधानाचे वातावरण आहे. र...

नफिसा गिरकर : मुंब्रा - दारुल फलाह परिसरातील गार्डनचे उद्घाटन राष्ट्रवादी काँग्रेसचे तौहिद शेख व नगरसेवक इब्राहिम राऊत यांच्या हस्ते करण्यात आले. सुमारे दहा वर्षे हे गार्डन बंद अवस्थेत होते. दरम्यानच्या काळात या ठिकाणी नशेखोरांचा अड्डा निर्माण झाल्याने स्थानिक नागरिकांनी तीव्र नाराजी व्यक्त केली होती. महापालिका निवडणुकीच्या प्रचारादरम्यान दिलेल्या आश्वासनाप्रमाणे आता हे गार्डन पूर्ववत करण्यात आले असून येथे नागरिकांसाठी बसण्याची व्यवस्था करण्यात येत आहे.  या गार्डनमुळे आता परिसरातील नागरिक व लहान मुले याचा लाभ घेऊ शकतील.  याठिकाणी कोणतेही गैरप्रकार होऊ नयेत यासाठी पोलिसांना पत्र देण्यात आले असून वरिष्ठ पोलिस निरीक्षकांची भेट घेऊन योग्य ती खबरदारी घेण्याची मागणी करण्यात आली आहे. “गार्डनमध्ये कोणतेही चुकीचे कृत्य होऊ देणार नाही, तसेच गार्डन अधिक सुशोभित करून पुन्हा विकसित करण्यात येईल,” असे आश्वासन तौहिद शेख यांनी दिले.  नगरसेवक इब्राहिम राऊत यांनी सांगितले की, “मागील अनेक वर्षांपासून ही मागणी प्रलंबित होती. या प्रभागात आमच्या उमेदवारांच्या पराभवानंतरही विकासकामे...