मुंबई पोलिस आयुक्त पदी विवेक फणसाळकर यांची नियुक्ती

मुंबई पोलिस आयुक्त पदी विवेक फणसाळकर यांची नियुक्ती

लोकमानस प्रतिनिधी
मुंबई-  मुंबईच्या पोलिस आयुक्त पदी ज्येष्ठ आयपीएस अधिकारी विवेक फणसाळकर यांची नियुक्ती करण्यात आली आहे. विद्यमान पोलिस आयुक्त संजय पांडे हे गुरुवारी ३० जून रोजी निवृत्त होत असल्याने त्यांच्या रिक्त होत असलेल्या पदावर फणसाळकर यांची नियुक्ती करण्यात आली आहे. फणसाळकर यांनी यापूर्वी ठाण्याचे पोलिस आयुक्त म्हणून काम केले आहे. ते सध्या महाराष्ट्र राज्य पोलिस गृहनिर्माण व कल्याण महामंडळाचे व्यवस्थापकीय संचालक म्हणून कार्यरत आहेत. त्यांच्या पदाचा अतिरिक्त कार्यभार अर्चना त्यांगी यांच्याकडे सोपवण्यात आला आहे. फणसाळकर हे गुरुवारी आयुक्त पदाचा कार्यभार स्वीकारतील.