एकनाथ शिंदेंचे मुंबईत आगमन, आज सायंकाळी नव्या मुख्यमंत्र्यांचा शपथविधी, फडणवीस मुख्यमंत्री तर शिंदे उपमुख्यमंत्री पदाची शपथ घेणार

 

एकनाथ शिंदेंचे मुंबईत आगमन, आज सायंकाळी नव्या मुख्यमंत्र्यांचा शपथविधी,

फडणवीस मुख्यमंत्री तर शिंदे उपमुख्यमंत्री पदाची शपथ घेणार

लोकमानस प्रतिनिधी

मुंबई – राज्याचे नवे मुख्यमंत्री म्हणून विधानसभेचे विरोधी पक्षनेते देवेंद्र फडणवीस व बंडखोर शिवसेना नेते एकनाथ शिंदे आज सायंकाळी सात वाजता शपथ घेतील अशी माहिती सुत्रांनी दिली. शपथविधीची तयारी राजभवनवर सुरु झाली आहे. एकनाथ शिंदे यांचे आज दुपारी मुंबईत आगमन झाले. त्यानंतर शिंदे हे फडणवीस यांच्या सागर या शासकीय बंगल्यावर गेले व तिथे शिंदे यांनी फडणवीस यांची भेट घेऊन चर्चा केली.

बंडानंतर गोव्यामार्गे मुंबईत आलेल्या एकनाथ शिंदे यांना मोठा पोलिस बंदोबस्त देण्यात आला आहे. शिवसेना नेत्यांकडून देण्यात आलेल्या इशाऱ्यांच्या पार्श्वभूमीवर शिंदे यांच्या सुरक्षेत मोठी वाढ करण्यात आली.