एपीसीआर च्या प्रयत्नांनी मुहम्मद अल्ताफची तुरुंगातून सुटका

एपीसीआर च्या प्रयत्नांनी मुहम्मद अल्ताफची तुरुंगातून सुटका 

लोकमानस प्रतिनिधी

मुंबई

 असोसिएशन फॉर प्रोटेक्शन ऑफ सिव्हिल राइट्स (एपीसीआर)ने एका गरीब आणि पीडित व्यक्तीला रेल्वे दंडाधिकारी न्यायालय सीएसटीमधून सोडवले, त्याच्यातर्फे वकील म्हणून अँड शोएब इनामदार यांंनी काम पाहिले. 

जामिनासाठी युक्तिवाद करताना ते म्हणाले की, मुहम्मद अल्ताफ हा सराईत गुन्हेगार नाही आणि त्याच्यावर यापूर्वी कोणताही गुन्हा दाखल झालेला नाही. पोलिसांनी या घटनेतून कोणत्याही प्रकारची मालमत्ता जप्त केलेली नाही. फिर्यादी पक्ष अल्ताफला दोषी सिद्ध करण्यात अपयशी ठरले आहेत.

 एपीसीआर महाराष्ट्रीचे अध्यक्ष मोहम्मद अस्लम गाझी म्हणाले, त्यांना सिकंदराबाद येथून फोन आला की मुहम्मद अल्ताफला मुंबई पोलिसांनी अटक केली असून तो भायखळा कारागृहात आहे. त्याच्यावर कोणत्या गुन्ह्याचा आरोप आहे हे कळू शकलेले नाही. महंमद अल्ताफ हा सिकंदराबाद येथील घरातून भांडण करून रागाच्या भरात मुंबईत आला होता. त्याला सीएसटी रेल्वे पोलिसांनी सीएसटी मेन लाईन स्टेशन येथून अटक केली आणि चोरीच्या आरोपाखाली भायखळा कारागृहात पाठवले. 

 न्यायालयाकडून कागदपत्रे मिळवण्यात आली.रेल्वे सीएसटी दंडाधिकारी न्यायालयात जामीन अर्ज दाखल करण्यात आला असून, 20 हजार रुपयांच्या रोख जामिनावर त्याची सुटका करण्यात आली आहे. अल्ताफची तुरुंगातून सुटका करण्यात आली आहे. आणि त्याला त्याच्या मूळ गावी सिकंदराबादला पाठवण्यात आले.

2006 पासून राष्ट्रीय स्तरावर मानवी हक्कांच्या संरक्षणासाठी लढा देत आहे. लोकांना त्यांच्या हक्कांची जाणीव करून देणे, गरीब आणि वंचितांना कायदेशीर मदत देणे, कायदेशीर मार्गदर्शन करणे, अत्याचारितांच्या कायदेशीर हक्कांचे संरक्षण करण्यासाठी प्रयत्न करणे आणि उल्लंघन केल्याबद्दल स्थानिक न्यायालयापासून सर्वोच्च न्यायालयापर्यंत खटले चालवणे, अशा अनेक प्रकरणांमध्ये एपीसीआर कार्यरत आहे.