डॉ. असदुल्ला खान शाळेत बारावीच्या विद्यार्थ्यांना बोर्डाच्या परीक्षेसंदर्भात शैक्षणिक मार्गदर्शन
डॉ. असदुल्ला खान शाळेत बारावीच्या विद्यार्थ्यांना बोर्डाच्या परीक्षेसंदर्भात शैक्षणिक मार्गदर्शन
मुंब्रा - बारावीच्या बोर्डाच्या परीक्षेत उज्ज्वल यश मिळवण्यासाठी नेमके काय करावे याचे मार्गदर्शन डॉ.असदुल्ला खान इंग्लिश हायस्कूल व कनिष्ठ महाविद्यालयाचे संस्थापक प्राचार्य डॉ.असदुल्ला खान यांनी विद्यार्थ्यांना केले. नोमान इमाम सभागृहात 12वी बोर्ड परीक्षेसंदर्भात विद्यार्थ्यांनी परीक्षा तोंडावर आलेली असताना काय करावे व काय टाळावे याबाबत मार्गदर्शन करण्यात आले. विद्यार्थ्यांमध्ये उत्साह, जोश आणि आत्मविश्वास निर्माण करण्यासाठी त्यांना बोर्ड परीक्षेतील यशाचे सोपे उपाय सांगून प्रेरणादायी ठरेल असे मार्गदर्शन करण्यात आले व प्रोत्साहन देण्यात आले.
विद्यार्थ्यांना संबोधित करताना डॉ.असदुल्ला खान यांनी सांगितले, भविष्य उज्ज्वल करायचे असेल, परीक्षेची तयारी करून यश संपादन करायचे असेल किंवा परीक्षेची अंतिम तयारी करायची असेल, फेब्रुवारी महिना हा प्रत्येक अर्थाने महत्त्वाचा आहे, असा सल्ला दिला. बारावीच्या परीक्षेच्या वेळापत्रकानुसार तुमचे दैनंदिन वेळापत्रक व्यवस्थित करा आणि परीक्षेच्या तयारीसाठी नियोजनबद्ध पद्धतीने जास्तीत जास्त वेळ द्या, असा सल्ला त्यांनी दिला. पेपर सोडवण्याच्या पध्दतीवर प्रकाश टाकून बोर्ड परीक्षेचा पेपर सोडवण्याच्या पद्धती आणि तत्त्वे, पेपर चांगल्या पद्धतीने सोडवण्याची पद्धत आणि वेळ याबाबत माहिती दिली त्यामुळे विद्यार्थ्यांना याबाबतचे विविध पैलू समजण्यास मदत झाली.
12वी बोर्डाच्या परीक्षेच्या काळात विद्यार्थ्यांनी काय करावे आणि काय करू नये, याचे उदाहरण देत त्यांनी विद्यार्थ्यांना दैनंदिन वेळापत्रकात बदल करण्याचा सल्ला देत बोर्डाच्या परीक्षेचे हे दिवस तुमचा पुढचा दिवस असेल असे सांगितले. हे दिवस तुमचे भविष्य ठरवतील, त्यामुळे विद्यार्थ्यांनी उठणे, बसणे, खाणे, पिणे, झोपणे, वाचन आणि पूजेच्या वेळेचे नियोजन करावे, दररोज परीक्षा हॉलसाठी घर सोडण्यापूर्वी हॉल तिकीट, खोडरबर, पेन्सिल, पेन, कंपास सर्व आवश्यक वस्तू ठेवाव्यात, घड्याळ सोबत ठेवावे. परीक्षेच्या वेळेच्या अर्धा तास आधी परीक्षाकेंद्रात पोचावे, सुरुवातीला प्रश्नपत्रिका प्रश्नपत्रिका सोडवताना, सोप्या प्रश्नांकडून अवघड प्रश्नांकडे जा, आत्मविश्वासाने लेखनाचा वेग वाढवा आणि आनंदाने पेपर सोडवा, अशा प्रकारे खान यांनी या गरजेवर भर दिला.
टिप्पण्या
टिप्पणी पोस्ट करा