महानगरपालिका अंतर्गत सुधारित भाडेवाढीस व शुल्कवाढीस ३१ मार्च २०२३ पर्यंत स्थगिती : पालकमंत्री मंगलप्रभात लोढा यांच्या पाठपुराव्याला यश
महानगरपालिका अंतर्गत सुधारित भाडेवाढीस व शुल्कवाढीस ३१ मार्च २०२३ पर्यंत स्थगिती : पालकमंत्री मंगलप्रभात लोढा यांच्या पाठपुराव्याला यश
लोकमानस प्रतिनिधी
मुंबई - मुंबई महानगरपालिकेच्या विविध योजना अंतर्गत बांधण्यात आलेल्या , संपादित केलेल्या भाडेतत्वावरील निवासी तसेच अनिवासी गाळेधारकांच्या मालमत्तांचे भाडे परिगणनाबाबत, हस्तांतरण शुल्क, अनामत रक्कम याबाबत सुधारित भाडेवाढीस व शुल्कवाढीस ३१ मार्च २०२३ पर्यंत स्थगिती मिळाली असून मुंबई उपनगर चे पालकमंत्री मंगलप्रभात लोढा यांनी या प्रश्नाबाबत सातत्याने केलेल्या पाठपुराव्यामुळे हे यश मिळाले आहे.
बृहन्मुंबई महानगरपालिकेच्या येणा-या सर्व वसाहती ची भाडेतत्वावरील निवासी तसेच अनिवासी मालमत्तांच्या भाडे परिगणना व हस्तांतर शुल्क तसेच अनामत रक्कम यात शिवसेनेच्या सरकारने मोठी वाढ केली होती.हा निर्णय कोणाला समजणार नाही असे तत्कालीन सरकार असलेल्या शिवसेनेला वाटले होते.मात्र निवडणुका पुढे गेल्यामुळे हा निर्णय लोकांना समजला.ही दर वाढ अन्याय कारक आहे. ही दरवाढ रद्द व्हावी अशी मागणी मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्या निर्देशानुसार महापालिकेला निवेदन देवून केली होती.
टच
ही दरवाढ अन्यायकारक आहे असे महापालिका आयुक्तांना निवेदन देवून सातत्याने सांगितले या लढ्याला यश आले आहे. भाडेवाढ व शुल्कवाढ रदद करण्याबाबतच्या विनंतीचा विचार करुन महापालिका आयुक्तांनी सुधारित भाडेवाढीस व शुल्कवाढीस ३१ मार्च २०२३ पर्यंत स्थगिती दिली आहे. भाडेवाढ व शुल्कवाढ रदद होई पर्यंत हा लढा असाच कायमस्वरूपी राहील, असेही पालकमंत्री मंगलप्रभात लोढा म्हणाले.
टिप्पण्या
टिप्पणी पोस्ट करा